按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
清楚呢次到底系熊市中反弹抑或整固后再升。呢次喺极度超卖下反弹，一般无法重返五十天线之上，即16200点死线无法再见；反之如第二次跌穿二百五十天线便得小心，代表钟摆又摆向另一边。如无意外，反弹市本周完成，担心7月3日重演5月10日嘅事件，即加息后引发一轮抛售潮。Unwind 行动仍未结束，只因6月13日股价偏低而一度暂停。2月10日至6月12日日本银行共抽走一千八百六十七亿八千万美元，平均汇价115。432日圆，6月14日起檐心日经平均指数跌幅太大，近期已放回七万五千亿日圆入金融体系内。7月份起日本银行又再抽资。
每天超过一百万人研究股市方向，但有人肯定知道明天或下周股市会点样，反而中长线方向较易掌握。例如2002年10月开始嘅美股反弹今年5月结束。现今股价相信已反映6月29日加息四分一厘，但有有反映进一步加息？愈嚟愈多人相信联储局将利率推上五厘七五甚至六厘，7月19及20日贝南奇将出席银行委员会听证会发表言论，对后市有一定影响。贝南奇2月1日上任后表现得优柔寡断，引发2月至5月金价上升及天然原材料价格上升；5月10日突然表现强硬，令金价及天然原材料价格回落。至于6月29日表现如何？本文见报日大家已知道。作为教授可以随和D，但做官必须有官威……。贝南奇2月至5月嘅表现，令美元汇价回落6％，通胀预期增加三十基点（从TIPS反映）；佢最大破坏系喺4月27日响国会嘅表现，以及其后对CNBC女记者讲外界误会咗佢嘅意思。好彩5月份起联储局其他成员纷纷出面而且态度强硬，才撑回美元汇价，6月5日喺国际金融会议上则表现不俗，但喺6月15日芝加哥经济学会表现仍失分；睇落贝南奇仲未习惯做联储局主席。做教授系讲理论，做联储局主席系讲市场成效；书生论政头头是道，书生执政却一塌糊涂。如果佢要对抗通胀，将它压至目标通胀率（1％至2％），就去做吧！如果担心影响楼市，请唔好讲通胀目标啦！金融市场系讲实力唔系讲道理嘅地方，小心走上1976至79年前联储局主席米路士之路（最后人人当佢冇到，令美元国际地位一落千丈）。金融市场缺乏耐性，如六个月内贝南奇都冇料到就系咁先。如佢欲洗刷2002年揸直升机掷银纸嘅形象，担心呢次加息潮将过犹不及。
输钱千万别赶注
你今年赚唔到蚊年咩？晤好难过，今年好多人陪你。今年相信系2003年以嚟最难赚钱嘅一年，唔少人今年利润早喺5月8日至6月13日跌市中失去。作为炒家，最讨厌冇嘢做，股价波动而自己有货的确几有瘾，此乃6月13日至今股市不断波动嘅理由，目的只系消耗各位手上嘅购买力。如果你觉得闷，最好同你另一半去旅行，例如坐火车去西藏（7月1日通车），而唔系喺金融市场手多多。炒上炒落，迟早撞板。周五香港才知联储局嘅决定，站喺风险回报率睇，现水平港股仲系博唔过！捕捉上落市有如同影子玩捉迷藏，输家永远系你自己。如果你冇 sell in May，你可能憎个市累你输钱，甚至憎走势（太多买入、卖出讯号），但千万唔好赶注。赌仔输大钱嘅理由系赶注。将好钱掷落坏咗嘅投资项目上希望打和。一旦输钱，最好离场（唔怕磨烂席，只怕塘边鹤）。蚀本唯一应对策略系计数离场，第日再玩过。
世界不停在变，1987年股灾好似系昨天嘅事，原来转眼就快二十年。1997年好似过咗冇耐，原来已经九年啦。楼价喺1997年后首六年回落65％，最近三年又上升65％，但仍然唔少人要蚀本（由一万元一尺跌65％见三千五百元，上升65％后亦只有五千三百元）。香港劳工薪金自从1980年起渐渐失去议价能力，因为工厂内移，令一百一十万制造业工人须重新就业；加上每年嚟自中国三万六千多新移民加入竞争。1997年起香港中层打工仔亦渐渐失去议价能力，因为服务业后勤基地内移，估计最少一百万中级职员须重新搵工。通缩往往由工资及薪金停滞不前（或回落）引发，因为产品及服务愈嚟愈难搵买家。劳工阶级薪金不前，只令香港廉价产品无法加价，但中级职员再就业困难，才系香港1997年起楼价回落嘅元凶（唔系八万五政策）。分析未来楼价，主要睇未来中级职员就业机会，便可大概知道。
投资首重方向，如方向错误，一切都枉然。其次系唔信市场贴士，只有酒楼服务员或的士司机才要人畀贴士，市场贴士十之八九系流言（真嘅消息别人唔会话你知，讲你听嘅通常系假消息）。最好唔好感情用事，投资需要理性而非感性，恐慌时沽出者，事后都证明系做错；每次受贪念支配入市，事后亦付出代价。
1997年6月后，行业盛衰较大市方向更重要。我老曹担心商品喺5月11日见顶回落，黄金见七百三十美元后有排搞。每一代人都有难忘嘅恶梦，影响整个人嘅逻辑思维。例如经历过文化大革命嘅一代，喺1982年听到中国政府宣布收回1997年7月1日主权，引起莫名其妙嘅恐慌；或睇过1967至97年楼价由几十元一尺涨至过万元一尺，即使经过六年楼价回落期，只要有钱仍会去买楼一样。睇过1980至2001年黄金爱烂铜者，亦系打死佢都唔会再去买金。每个人都有自己嘅恶梦，系无法解释嘅结。
黄金低潮应在7月
2001年起嘅通胀，唔系需求超过供应推动（中国、印度、东欧及前苏联重返世界经济体系，令全球物资供过于求），而系中国过分投资固定资产，刺激天然原材料价格上升。其后对冲基金加入，将原材料价格升幅进一步夸大，其中包括泡沫成分在内。今年〃十一五〃规划下，中国决定改变经济增长模式，只系一时未见效。今年5月系咪改变嘅开始？如果全球经济自由化（而非1945年战后有一半国家采用社会主义及共产主义式制度），即重返三十年代、四十年代环境，所有物资长远而言系供过于求。更何况利率回落期引发嘅金融资产升值潮由1980年开始，2003年结束。1990年开始日本一再出现通缩，1997年8月起香港亦出现过通缩，贝南奇却要对付通胀，系咪唐吉阿德嘅风车？如果利率再加多二、三次，恐怕杀死嘅唔系通胀，而系全球经济繁荣。商品派对5月10日到底系中途歇歇抑或系尾站？仍搞唔清楚。最难分辨系中期调整与死猫反弹，往往要事后才睇得清楚。扣除通胀，1999至2001年商品价格系近二百年最低，今年5月商品价格（扣除通胀）相等于1974年12月高价时嘅三分一价格，情况有如1982至87年股市上升后，1987年10月股灾曾令股市失去40％市值（恒生指数跌幅更超过50％），但股灾之后牛市继续。金价由二十六年高位七百三十美元回落到五百四十二美元，系咪相等于1987年10月股灾？真系唔知道真正答案。由去年5月31日四百一十三点八美元，升至今年5月12日七百三十点四美元，如调整61。8％，应下跌一百九十五点六美元，理论上可见五百三十四点八美元。呢次金价见五百四十二美元，算唔算已完成调整？技术上睇，黄金低潮应喺7月，即下月才系决定性嘅日子。
UBS、雷曼兄弟、美国银行分析员不但相信8月8日再加息，而且相信今年内仲会加息！咁不但会令今年下半年GDP增长率放缓，亦将令明年增长率进一步放缓，但又不致引发衰退。如果未来利率唔系止于五厘半，而系五匣七五甚至六厘，明年经济放缓嘅程度的确有D令人担心。喺波士顿市哈佛大学附近嘅住宅，已由年初售价三十二万九千美元回落到二十九万九千美元，仲未卖出，此乃1999年以嚟首次。美国二手楼价不但停止上升，而且正在回落，5月份美国二手楼交易只达年率六百六十七万间，而利率仍在上升中。
压制中国不如投资中国
美国新任财长保尔森认为，对中国施压应转向要求金融系统开放。而非人民币升值。1900年欧洲到处都讲美国威胁论。英国论到嘅方法最好，唔系遏制美国崛起，而系到美国大量投资（If you can't beat them； join them！）。
二十一世纪中国将和平崛起，限制中国嘅策略已冇用，点解唔到中国投资？！
咁做不但符合美国利益，同时亦符合中国利益。站喺中国立场，引入外资会否危及国民经济利益？满清政府时代外资进入中国，赚走中国人嘅白银，引发通缩，令满清政府走向灭亡。1900年欧洲资金进入美国，却令美国日益强大。换言之，引入外资应同时引入技术、管理等，令自己强大，不然中国经济最终将被外资控制。今天中国引入外资，唔系喺船坚炮利之下嘅协议，而系两国对等下嘅贸易关系，应该系良性而非恶性。中国应欢迎外资进入，协助内地银行改革，然后嚟香港上市，吸收更大资金，进一步做大做强中国金融业，而非满清政府时代中国企业被外资吞掉。
美国、欧洲、澳洲、加拿大及其他国家都在加息，连日本亦可能喺才月份加息，人民币可以唔加息咩？为咗对抗资金流入，人民币实际利率已接近零（如非产能过剩令产品无法加价，恐怕中国已进入九十年代香港式负利率时代）。中国喺M2快速增长及原材料涨价压力下，已令楼价失控地上升，但因流动资金过剩，加息空间唔大。5月份贷款利率上升零点二七厘效果有乜；扩大存贷利率差，反而鼓励银行增加贷款。美元与人民币利率差扩大，更多银行利用利率差进行套利操作，令内地银行纯利大升。
瑞信陶冬认为，中国经 济有三〃过〃：一、投资过热；二、产能过剩；三、房价过高。上述都系流动资金过剩造成利率偏低嘅结果。货币环境一日唔回复正常化，利率水平亦无法正常化。中国呢三〃过〃暂时无法改，甚至人行亦老鼠拉龟。唔正常嘅货币政策（与美元长期挂钩）造成唔正常汇率